ਬੀ.ਐਲ.ਐਮ ਗਰਲਜ਼ ਕਾਲਜ ਵਿਖੇ  ਟੈਲੈਂਟ ਹੰਟ ਸ਼ੋ ਕਰਵਾਇਆ  

ਨਵਾਂਸ਼ਹਿਰ (ਮਨੋਰੰਜਨ ਕਾਲੀਆ) : ਅੱਜ ਬੀ.ਐਲ.ਐਮ ਗਰਲਜ਼ ਕਾਲਜ ਵਿਖੇ ਯੂਥ ਕਲੱਬ ਦੇ ਇੰਚਾਰਜ ਡਾ. ਗੌਰੀ ਅਤੇ ਸਹਿਯੋਗੀ ਪ੍ਰੋ. ਪੂਜਾ ਅਰੋੜਾ, ਪ੍ਰੋ. ਆਸਥਾ, ਪ੍ਰੋ. ਸ਼ਿਵਾਨੀ, ਪ੍ਰੋ. ਮੀਨਾਕਸ਼ੀ, ਪ੍ਰੋ. ਗੁਰਪ੍ਰੀਤ ਕੌਰ ਅਤੇ ਪ੍ਰੋ ਗੁਰਦੀਪ ਦੀ ਦੇਖਰੇਖ ਵਿੱਚ ਟੈਲੈਂਟ ਹੰਟ ਸ਼ੋ ਕਰਵਾਇਆ ਗਿਆ। ਕਾਲਜ ਪ੍ਰਿੰਸੀਪਲ ਸ਼੍ਰੀਮਤੀ ਤਰਨਪ੍ਰੀਤ ਕੌਰ ਵਾਲਿਆ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਕਾਲਜ ਵਿੱਚ ਇਸ ਸੈਸ਼ਨ ਵਿੱਚ ਦਾਖਿਲ ਹੋਈਆਂ ਨਵੀਆਂ ਵਿਦਿਆਰਥਣਾਂ ਦਾ ਟੈਲੈਂਟ ਪਹਿਚਾਣਣ ਲਈ  ਟੈਲੈਂਟ ਹੰਟ ਸ਼ੋ ਕਰਵਾਇਆ ਗਿਆ। ਉਹਨਾਂ ਦੱਸਿਆ ਕਿ ਇਸ ਸ਼ੋਅ ਵਿੱਚ ਪੋਸਟਰ ਮੇਕਿੰਗ, ਰੰਗੋਲੀ, ਫੁਲਕਾਰੀ, ਕੋਲਾਜ, ਡਾਂਸ, ਮਾਡਲਿੰਗ ਆਦਿ ਮੁਕਾਬਲੇ ਕਰਵਾਏ ਗਏ। ਰੰਗੋਲੀ ਮੁਕਾਬਲੇ ਚੋਂ ਪਹਿਲੇ ਸਥਾਨ ਤੇ ਕਿਰਨ ਸਹਿਗਲ ਅਤੇ ਦੂਸਰੇ ਸਥਾਨ ਤੇ ਸ੍ਰਿਸ਼ਟੀ ਸ਼ਰਮਾ ਅਤੇ ਤਨੀਸ਼ਾ ਤੀਸਰੇ ਸਥਾਨ ਤੇ ਰਹੀ। ਕੋਲਾਜ ਮੇਕਿੰਗ ਮੁਕਾਬਲੇ ਚੋਂ ਪਹਿਲੇ ਸਥਾਨ ਤੇ  ਕਿਰਨਪ੍ਰੀਤ ਕੌਰ ਅਤੇ ਦੂਸਰੇ ਸਥਾਨ ਤੇ ਕੋਮਲ ਭਾਰਤ ਅਤੇ ਤੀਸਰੇ ਸਥਾਨ ਤੇ ਹਰੰਜਲਜੋਤ ਕੌਰ ਰਹੀ। ਕਾਰਟੂਨਿੰਗ ਮੁਕਾਬਲੇ ਵਿੱਚੋਂ  ਪਹਿਲੇ ਸਥਾਨ ਤੇ ਮੁਸਕਾਨ, ਦੂਸਰੇ ਸਥਾਨ ਤੇ ਹਰੰਜਲਜੋਤ ਕੌਰ  ਅਤੇ ਤੀਸਰੇ ਸਥਾਨ ਤੇ ਹਰਸਿਮਰਨ ਕੌਰ  ਰਹੀ। ਪੋਸਟਰ ਮੇਕਿੰਗ ਮੁਕਾਬਲੇ ਵਿੱਚੋਂ ਹਰੰਜਲਜੋਤ ਕੌਰ ਪਹਿਲੇ ਸਥਾਨ ਤੇ, ਸ੍ਰਿਸ਼ਟੀ ਸ਼ਰਮਾ ਦੂਸਰੇ ਸਥਾਨ ਤੇ ਅਤੇ ਸਾਕਸ਼ੀ ਤੀਸਰੇ ਸਥਾਨ ਤੇ ਰਹੀ।  ਫੁਲਕਾਰੀ ਮੁਕਾਬਲੇ ਚੋਂ ਭਵਨੀਸ਼ ਪਹਿਲੇ ਸਥਾਨ ਤੇ, ਮੋਨੀਕਾ ਦੂਸਰੇ ਸਥਾਨ ਤੇ ਰਹੀ। ਡਿਊਟ ਡਾਂਸ ਚੋਂ  ਜੀਆ/ਅਮਨਪ੍ਰੀਤ ਪਹਿਲੇ ਸਥਾਨ ਤੇ,  ਬਿੱਟੀ/ ਤਰਾਨਾ ਦੂਸਰੇ ਸਥਾਨ ਤੇ  ਅਤੇ ਰਮਨ/ ਤਨਵੀਰ ਤੀਸਰੇ ਸਥਾਨ ਤੇ ਰਹੀਆਂ। ਸੋਲੋ ਡਾਂਸ ਵਿੱਚੋਂ ਜੀਆ ਪਹਿਲੇ ਸਥਾਨ ਤੇ,  ਗੋਰੀ ਅਤੇ ਸੁਧੀਕਸ਼ਾ ਦੂਸਰੇ ਸਥਾਨ ਤੇ, ਅਮਨ ਤੀਸਰੇ ਸਥਾਨ ਤੇ, ਅਤੇ ਵਿਸ਼ੇਸ਼ ਸਨਮਾਨ ਜਸ਼ਨ ਨੂੰ ਦਿੱਤਾ ਗਿਆ।  ਮਾਡਲਿੰਗ ਚੋਂ ਮਿਸ ਬੀ.ਐਲ.ਐਮ ਫਰੈਸ਼ਰ ਸੁਨੈਨਾ ਰਹੀ, ਦੂਸਰੇ ਸਥਾਨ ਤੇ ਨਵਜੋਤ ਕੌਰ, ਤੀਸਰੇ ਸਥਾਨ ਤੇ ਤਨੀਸ਼ਾ ਰਹੀ, ਬੈਸਟ ਸਮਾਈਲ ਰੀਆ ਨੂੰ, ਬੈਸਟ ਵਾਕ ਜੀਆ ਨੂੰ ਅਤੇ ਚਾਰਮਿੰਗ ਫੇਸ ਕਮਲਪ੍ਰੀਤ ਕੌਰ ਨੂੰ ਦਿੱਤਾ ਗਿਆ।